Përveç kursit të paralajmëruar në Bujanoc, Misioni i OSBE-së në Serbi organizon edhe një kurs tremujor falas të gjuhës serbe për qytetarët e komunitetit kombëtar shqiptar në Preshevë.
Kursi u dedikohet kryesisht të gjithë personave të interesuar për regjistrim në Qendrën për Trajnim Bazë Policor.
Kjo nismë është pjesë e punës shumëvjeçare të Misionit të OSBE-së në Serbi në fushën e mbrojtjes së të drejtave të pakicave kombëtare dhe përmirësimit të mundësive për punësimin e pjesëtarëve të komuniteteve të ndryshme kombëtare në administratën publike, me synim që ajo të jetë më e larmishme dhe përfaqësuese.
Pjesëmarrja e barabartë në punën e institucioneve shtetërore, konkretisht në polici, kërkon njohjen e gjuhës serbe si gjuhë zyrtare. Përmirësimi i aftësive gjuhësore rrit kështu edhe mundësitë për punësim në sektorin publik.
Të interesuarit për këtë kurs duhet të dërgojnë të dhënat e tyre të kontaktit përmes postës elektronike në adresën valdete.osmani@osce.org.
Afati për aplikim është 18 shtator.
