Pjesëtarët e Ministrisë së Punëve të Brendshme në Vranjë dhe Bujanoc kanë konfiskuar 70 kilogramë lëndë që dyshohet se është marihuanë dhe kanë arrestuar S. B. (2001) dhe P. A. (2002) nga Vërbasi, për shkak të ekzistimit të bazave të dyshimit se kanë kryer veprën penale të prodhimit dhe shpërndarjes së paautorizuar të narkotikëve.
“Policia gjatë pasdites së djeshme ka tentuar ta ndalojë një automjet të tipit “Audi” me të cilën të dyshuarit ndodheshin në fshatin Tërnoc të komunës së Bujanocit, por të njëjtit duke mos iu bindë urdhrit të policisë vazhduan me vozitje, e që pas një kohe vozitjeje kanë dalë nga vetura dhe janë larguar.” thuhet në njoftimin e Administratës Policore të Vrajës.
Punonjësit e policisë me një veprim të shpejtë dhe efektiv kanë arritur të identifikojnë të dyshuarit në një taksi në afërsi të Vranjës me ç`rast i kanë arrestuar, derisa në “audi-në” e tyre u gjetën 13 pako me lëndë që dyshohet se ishte marihuanë.
Me urdhër të Prokurorisë së Lartë Publike në Vranjë, të dyshuarve u është caktuar masa e ndalimit deri në 48 orë dhe me kallëzim penal do të dërgohen në prokurorinë kompetente.