Dështon mbajtja e seancës së Kuvendit të Komunës së Preshevës të ftuar për sot.
Kuvendi i Komunës së Presheves ka ftuar seancën e IV-të për datën 23.10.2023, me ç’rast edhe është afati përfundimtar për të vazhduar punën legjislacioni aktual.
Edhe pse seanca e Kuvendit ishte planifikuar të fillonte punimet sot në orën 10, mungesa e numrave të shumicës e pamundësoi atë.
Si rrjedhojë e kësaj situate, Sekretari i Kuvendit të Komunës së Preshevës, ka dërguar mesazh shefave të grupeve të këshillëtarëve për të mbajtur një takim, gjatë së cilit është konfirmuar mungesa e numrave të shumicës.
“Pershendetje, .… Je i ftuar nga Kryetari i Kuvendit ne mbledhje te perbashket me Kryetaret e grupeve te keshilltareve nga ora 11:00 te dates 23.10.2023, rreth zhvillimeve te mbarvajtjes se Kuvendit.” thuhet në mesazhin e dërguar shefave të grupeve të këshillëtarëve të Kuvendit, të dërguar nga Avni Haliti, Sekretar i Kuvendit të Komunës së Preshevës.
Me këtë rast Kuvendi i Preshevës humb shumicën e koalicionit APN-LR-Lista Serbe dhe krijohen kushtet për zgjedhjet e parakohshme në Preshevë.