Komisioni Republikan Zgjedhjor ka njoftuar se afatet për shpalljen e rezultateve përfundimtare të zgjedhjeve janë shtyrë për shkak të rivotimeve në disa vendvotime.
Përmes një komunikate të publikuar nga KRZ njoftohet se në përputhje me Ligjin për Zgjedhjen e Deputetëve, komisionet zgjedhore lokale kanë afat 96 orë nga mbyllja e vendvotimeve për të publikuar raportet përmbledhëse të rezultateve të votimit dhe ky afat skadon të enjten në orën 20:00.
“Mirëpo, i njëjti ligj parashikon që ky afat mundet të shtyhet në rastin e atyre komisioneve zgjedhore lokale në territorin e të cilave përsëriten votimet në ndonjë vendvotim, dhe në atë rast afati prej 96 orësh llogaritet nga mbyllja e vendvotimit ku përsëritet votimi” ka sqaruar KRZ në komunikatë.
Duke pasur parasysh se në web prezantimin e Komisionit Republikan të Zgjedhjeve është publikuar vendimi përmes të cilit do të përsëritet votimi në disa vendvotime të caktuara, njëkohësisht afati për publikimin e rezultateve të zgjedhjeve do të shtyhet në ato njësi të vetëqeverisjes lokale.
Prandaj, si pasojë prolongohet edhe afati brenda të cilit Komisioni Republikan Zgjedhjor është i obliguar të shpallë rezultatet e përfundimtare të zgjedhjeve parlamentare të mbajtura më 3 prill.