Në Preshevë është mbajtur mbledhja e XI-të e Këshillit Komunal të Komunës së Preshevës, ku janë shqyrtuar disa çështje që lidhen me funksionimin, planifikimin buxhetor dhe bashkësitë lokale të komunës.
Sipas një njoftimi të publikuar nga kryetarja e Komunës, në mbledhjen e sotme është diskutuar për përgatitjen e buxhetit për vitin 2027, si dhe për raportin e realizimit të buxhetit për periudhën janar–qershor 2026.
Në rend dite kanë qenë edhe çështje që lidhen me zhvillimin lokal dhe investimet në territorin e Komunës së Preshevës.
Një nga pikat e shqyrtuara ka qenë edhe propozim-vendimi për shpërndarjen e bashkësive lokale në territorin e Komunës së Preshevës dhe emërimin e administratorëve të tyre.
Paa përfundimit të mbledhjes, Sinani ka deklaruar se Komuna do të vazhdojë me punë dhe planifikim, duke theksuar orientimin drejt interesit të qytetarëve dhe zhvillimit të Preshevës.
