Në kuadër të mirëmbajtjes dhe zhvillimit të infrastrukturës komunale, komuna e Preshevës ka realizuar projektin për sanimin e segmentit rrugor në afërsi të kryqëzimit për te rruga e Dushkajve.
Kjo pjesë ka qenë tepër e dëmtuar për shkak të qarkullimit të makinerive të tonazhit të madh, që kryesisht e frekuentojnë këtë segment rrugor, duke u ngarkuar nga gurëthyesi lokal.
Punimet e realizuara kanë konsistuar në sanimin e konstruksionit të rrugës, së bashku me shtresën e asfaltit.
Poashtu, në këtë segment rrugor është ndërtuar dhe kanalizimi atmosferik me elementet tjera përcjellëse me qëllim të kullimit të ujërave atmosferike.