Një autobus me targa nga Kosova është aksidentuar në Koraci.
Siç raporton Jutarnji List, autobusi i kompanisë nga Kosova “Harea Travel” ka dalë jashtë rrugës në autostradën afër Donja Zajencinës të mërkurën në mbrëmje.
Siç raportohet, autobusi doli jashtë rrugës pasi shoferi humbi kontrollin e timonit.
Në autobus ishin 26 pasagjerë dhe dy shoferë.
Policia, ambulanca dhe zjarrfikësit e Zagrebit kanë mbërritur shumë shpejt në vendngjarje dhe me kujdes dhe vëmendje maksimale kanë nxjerrë të gjithë personat nga dera e shoferit. Sipas informacioneve të Jutarnji list dy persona kanë raportuar për lëndime të lehta.
Mediat atje raportuan se në mesin e 26 pasagjerëve që ndodheshin brenda autobusit, dy prej tyre kanë pësuar lëndime të lehta.
Mirëpo këtë gjë e ka mohuar kompania për televizionin Klankosova.
“Harea Travel” në një prononcim për Klankosova.tv konfirmoi se njëri prej autobusëve të tyre është aksidentuar, por asnjë pasagjer e as shoferët, nuk kanë pësuar lëndime.