Arifi: Populli në Luginë i tha jo politikave përçarëse të Albinit

Ish-kryetari i Preshevës, Shqiprim Arifi, ka reaguar pas zgjedhjeve lokale në Luginën e Preshevës, duke thënë se “përkundër mbështetjes së Albinit”, qytetarët e kësaj komune “i thanë jo politikave përçarëse të Albinit edhe në Luginë”.


Ai ka hedhur akuza të ashpra ndaj kryeministrit Kurti, duke thënë se, sipas tij, kreu i qeverisë së Kosovës “i shërben vetëm narratives së Beogradit”.

Arifi ka thënë se në Komunën e Preshevës, pas 8 vitesh fitore të njëpasnjëshme të Alternativës, qytetarët vendosen kësaj radhe një vërdikt tjetër, kurse në Bujanoc, kandidati nga radhët e Alterntivës Arbër Pajaziti është fituesi i zgjedhjeve.

“Nuk mbahet mend që të ketë pasur një pjesëmarrje kaq të ulët ndonjëherë në historinë e zgjedhjeve në Preshevë. Ashtu siç ka qenë dhe në zgjedhjet e fundit parlamentare, ku shqiptaret e Luginës i bojktotuan zgjedhjet për shkak të përçarjes së Kurtit nga Prishtina në Luginë. Albini, nuk meriton asnjë votë në gjithë trojet shqiptare, pasi i shërben vetëm narratives së Beogradit. Njëkohësisht i kanë shërbyer 2 milion euro të vjedhura nga buxheti i Republikës së Kosovës për blerje votash. Jo çuditërisht edhe në këto zgjedhje lokale PVD-në e ka asistuar Dora e hekurt e Beogradit. Në Komunën e Preshevës, pas 8 vitesh fitore të njëpasnjëshme të Alternativës, qytetarët vendosen kësaj radhe një vërdikt tjetër. Gjithashtu ne Bujanoc, kandidati nga radhët e Alterntivës Arbër Pajaziti është fituesi i zgjedhjeve. Urime Arbërit për fitoren e merituar. Faleminderit të gjithë qytetareve votues nga Lugina që vendosën këto rezulatate për 4 vitet e ardhshme”, ka shkruar ai.

Ardita Sinani nga Partia për Veprim Demokratik ka shpallur fitore për kryetare të Preshevës në zgjedhjet që u mbajtën të dielën.

ARTIKUJT E NGJASHËM

Fakulteti Ekonomik i Suboticës hap konkurisn për pranim të studentëve të ri në Bujanoc

PreshevaPRESS

KKZ në Preshevë mblidhet të hanën për të shpallë rezultatet finale të zgjedhjeve lokale

PreshevaPRESS

Qeveria Serbisë ka vendosor që 17 qershori të jetë ditë jo pune për shkak Bajramit

PreshevaPRESS