Nënkryetari i Alternativës për Ndryshim dhe Zavendës Kryetari i Komunës së Preshevës, Armend Aliu ka folur me tone kritike për kërkesat e Koalicionit të shqiptarëve ndaj Presidentit Vuçiq duke theksuar se në vend të disa posteve është dashur të insistohet në hapjen e kufirit Miratoc-Llojan e rikthimin e Gjykatës në Preshevë.
Aliu ka theksuar se uniteti i shqiptarëve të Luginës së Preshevës nuk është i rëndësishëm vetëm në nivel qendror, dhe pëson dëm të madh nëse në Bujanoc shqiptarët dështojnë për ta kriju 21-shin shqiptarë, andaj apeloj tek faktori politik shqiptarë në Bujanoc që të mos dorëzohen para egove politiko – partiake.
Postimi i plotë i Armend Aliut
Për koincidencë, sot dy vite më parë u mblodhën këshilltarët shqiptarë të tre kuvendeve komunale (Preshevë, Bujanoc dhe Medvegjë). Dy vite nuk janë kohë e gjatë, është vështirë që deklarata e nxjerr nga ky kuvend të harrohet, sidomos tani që ky dokument është në dispozicion në platformat e rrjeteve sociale.
Dy vite pas, në të njejtën datë, me letrën e adresuar drejtë presidentit të Sërbisë, nuk vërehet as edhe një pikë e vetme e kësaj deklarate.
Që nëse supozohet se kemi vendosur që edhe njëherë të shkelim mbi deklaratat, marëveshjet, dokumentët dhe të fillojmë rishtazi, atëherë dakord, së paku marëveshjet e parealizuara të vitit 2001, 2009 dhe plani shtatë pikësh u përmendën si përkujtues por u anashkalua kërkesa për reciprocitet si dhe për pjesëmarrje në dialogun Kosovë – Sërbi.
Nëse pritet që “Sërbia e Re” që është përmendur në letër dhe që po proklamohet nga Aleksandër Vuçiq, do ti merr seriozisht kërkesat e tona, atëherë mirë që kemi qasje moderne, kah e ardhmja. Por, përveç pikave të pozitave dhe posteve të ndryshme për të cilat mund të zotohet Sërbia e Re, duhet të marim zotime edhe për:
– përdorimin e lirë të simboleve kombëtare
– hapjen e vendkalimit kufitar Miratoc – Llojan
– Rikthimin e prokurorisë dhe gjykatës në Preshevë.
Shpresoj që këto pika të rëndësishme të jenë disktuar së paku sot në takim.
Uniteti i shqiptarëve të Luginës së Preshevës nuk është i rëndësishëm vetëm në nivel qendror, dhe pëson dëm të madh nëse në Bujanoc shqiptarët dështojnë për ta kriju 21-shin shqiptarë, andaj apeloj tek faktori politik shqiptarë në Bujanoc që të mos dorëzohen para egove politiko – partiake