PreshevaPRESS

GJITHÇKA QË NDODHI GJATË SEANCËS SË TRETË TË KUVENDIT KOMUNAL

GJITHÇKA QË NDODHI GJATË SEANCËS SË TRETË TË KUVENDIT KOMUNAL
Pas miratimit të tri pikave të rendit të ditës, pika e katër është shtyrë për seancën e ardhshme, derisa Kuvendi ka përfunduar punimet për seancën e tretë.

12:20 Me 20 vota për miratohet edhe pika e tretë e rendit të ditës, propozim-aktvendimit mbi formimin e komisionit për hartimin e propozimit të programit vjetor të mbrojtjes, rregullimit dhe shfrytëzimit të tokës bujqësore në territorin e komunës së Preshevës për vitin 2021.

Pas ndërprerjes së fjalimit të kryetares së Komunës së Preshevës nga ana e opozitës, diskutimet për pikën e tretë të rendit të ditës i ka filluar kryetari i opozitës, Shqiprim Arifi.

Ai gjatë diskutimit të tij ka shpjeguar se APN është e vendosur që mos të tërhiqet nga vendimi për të pamundësuar paraqitjen e Sinanit në foltore për të diskutuar, derisa ajo nuk kërkon falje për fjalimin e saj të mbajtur në seancën e kaluar, e që sipas Arifit dhe ApN-së, ka fyer këshilltaret e Kuvendit nga radhët e APN-së.

Kryetati i Kuvendit, Salihu, ka ndërpre diskutimin e Arifit duke e cilësuar si diskutim jasht pikës së rendit të ditës, duke e hedhur sërish në votim këtë pikë pa diskutim.

11:00 Opozita ndërpret fjalimin e kryetares Sinani duke fyshkëllyer

Pas shpalljes së kryetarit të Bashkisë së Tiranës, Erion Veliaj, Qytetar Nderi të Komunës së Preshevës, seanca e tretë e Kuvendit të Komunës ka vazhduar punimet.

Pika e dytë e rendit të ditës së Kuvendit të Komunës së Preshevës ka qenë Rishikimi i tretë i buxhetit të Komunës së Preshevës. Me të filluar diskutimin rreth kësaj pike kur edhe kryetarja Sinani, ka dalur në foltore për të paraqitur ndryshimet e parapara ne buxhet me reshikimin e tretë, këshilltarët e APN-së kanë pamundësuar fjalimim e saj duke fyshkëllyer.

Për shkak të pamundësisë për të diskutuar rreth rishikimit të buxhetit të Komunës së Preshevës për vitin 2021, kryetari i Kuvendit të Komunës së Preshevës, Sami Salihu, e ka hedhur në votim pijën e rendit të ditës me ç’rast, me 20 vota pro dhe me 5 vota kundër është miratuar Vendimi mbi rishikimin e tretë të buxhetit të Komunës së Preshevës për vitin 2021.

GJITHÇKA QË NDODHI GJATË SEANCËS SË TRETË TË KUVENDIT KOMUNAL

10:48 Kryetari i Bashkisë së Tiranës, Erion Veliaj, shpallet Qytetar Nderi i Komunës së Preshevës

Siç edhe është paraparë në pijën e parë të rendit të ditës për seancën e sotshme të Kuvendit të Komunës së Preshevës, sot është shpallur Qytetar Nderi në Komunën e Preshevës, Kryetari i Bashkisë së Tiranës, Erion Veliaj.

Këtë titull Kuvendi i Komunës së Preshevës i ka ndarë Erion Veliaj si shenjë mirënjohjeje për kontributin e dhënë në aspekt politik e social për Komunën e Preshevës.

10:02 Seanca e tretë e Kuvendit të Komunës së Preshevës ka filluar në ora 10:00 me pesë pika të rendit të ditës:
  1. Shqyrtimi dhe miratimi i propozim-vendimit për ndarjen e titullit “Qytetar nderi”
  2. Shqyrtimi dhe miratimi i propozim-vendimit mbi rishikimin e tretë të buxhetit të Komunës së Preshevës për vitin 2021.
    1. Shqyrtimi dhe miratimi i propozim-aktvendimit mbi formimin e komisionit për hartimin e propozimit të programit vjetor të mbrojtjes, rregullimit dhe shfrytëzimit të tokës bujqësore në territorin e komunës së Preshevës për vitin 2021.
  3. Shqyrtimi dhe miratimi i propozim-vendimit mbi transportin e udhëtarëve dhe shërbimeve LIMO në territorin e komunës së Presheves
  4. Pytjet e këshilltarëve.

ARTIKUJT E NGJASHËM

“Let’s Do It” SHTRIN AKTIVITETIN E SAJ EDHE NË LUGINËN E PRESHEVËS

PreshevaPRESS

SHQETËSIME NË BE PËR TË DREJTAT E PAKICAVE NË SERBI

PreshevaPRESS

KRYETARI I PRESHEVËS I SHKUAN KIRS-it PËR PROBLEMATIKËN ME MINGRANTËT

PreshevaPRESS