PreshevaPRESS

Pezullohen të gjitha aktivitetet elektorale derisa të mbetet në fuqi gjendja e jashtëzakonshme

Pezullohen të gjitha aktivitetet elektorale  derisa të mbetet në fuqi gjendja e jashtëzakonshme

Komisioni Zgjedhor Republikan në seancën e sotme, në përputhje me Dekretin për Masat Emergjente, miratoi një Vendim për të pezulluar të gjitha aktivitetet elektorale në zhvillimin e zgjedhjeve të shpallura për 26 Prill, njoftoi dje kreu i Komisionit Zgjedhor të Republikës së Serbisë Vladimir Dimitrijevic.


Kryetari i KZR-së, Dimitrijevic tha që pardje u mor një vendim për të vendosur një gjendje të jashtëzakonshme në të gjithë Serbinë dhe se Qeveria, në përputhje me kompetencat e saj, nxori një Dekret për Masat e Urgjencës.

“Në nenin 5 të këtij dekreti përcaktohet që të gjitha aktivitetet elektorale në zhvillimin e zgjedhjeve për deputetë, deputetë krahinorë në Krahinës Autonome të Vojvodinës si dhe për kryetarët e komunave dhe qyteteve të pezullohen, dhe se ato do të vazhdojnë nga dita kur pushon gjendja e jashtëzakonshme” ka thënë kreu i Komisionit Republikan Zgjedhor në Serbi, Dimitrijevic.

Ai shtoi se në këtë mënyrë, KRZ zbaton detyrimin e paraparë me rregullore por gjithashtu jep kontributin e tij në luftën kundër koronavirusit, sepse, siç theksoi ai, “zgjedhjet mund të ndalen, por jeta jo”.

Vendimi i KRZ do të thotë që pas përfundimit të gjendjes së jashtëzakonshme, do të përcaktohen afate të reja për zhvillimin e zgjedhjeve, si dhe që të gjitha aktivitetet elektorale të ndërmarra deri më tani do të kenë fuqi juridike në vazhdimin e procesit zgjedhor, ka sqaruar Klačar nga CeSID për N1.

Vendimi është i vlefshëm për zgjedhjet parlamentare, krahinore dhe lokale. Zgjedhjet do të vazhdojnë në përputhje me vendimin për përfundimin e gjendjes së jashtëzakonshme, e cila do të rregullohet me një akt të veçantë të Komisionit Republikan Zgjedhor.

Nënkryetari i KRZ, Zeljko Radet, deklaroi në seancë se një vendim i tillë nuk duhet të miratohet sepse ai beson se është “jokushtetues të pezullohet paraqitja e listave zgjedhore”.

Ai shtoi se nuk ka asnjë arsye për këtë sepse shërbimet janë duke punuar, noterët janë duke punuar, ka ende detyrime pune dhe se regjistrimi i listës duhet të bëhet kurse sa i përket datës së zgjedhjeve duhet të vendoset më vonë.

Sidoqoftë, përmes shumicës së votave të anëtarëve të Komisionit Republikan Zgjedhor, u mor vendimi për pezullimin e aktiviteteve zgjedhore, dhe siç u tha në seancë, anëtarët do të njoftohen për vazhdimin e punës së këtij Komisioni kur të hiqet gjendja e jashtëzakonshme.


Të gjitha informacionet në lidhje me gjendjen pandemike në vend mund t’i gjeni duke klikuar në këtë vegëz apo në faqen NË FOKUS nën seksionin PANDEMIA COVID19 NË LUGINË.

ARTIKUJT E NGJASHËM

MINISTRI LLONÇAR: SHUMICA E OBJEKTEVE NGA E MARTA DO TË PUNOJNË DERI NË ORËN 18⁰⁰

PreshevaPRESS

COVID19 / BILANCI I DITËS SË DJESHME NË PRESHEVË

PreshevaPRESS

MASAT PARANDALUESE KUNDËR PANDEMISË MBETEN NË FUQI DERI NË MBLEDHJEN E RADHËS

PreshevaPRESS