PreshevaPRESS

CAKAJ FTON SHQIPTARËT E BUJANOCIT TË DALIN NË VOTIME MË 1 KORRIK

Ministri i Punëve të Jashtme të Shqipërisë, Gent Cakaj ka ftuar votuesit shqiptar të Bujanocit që më 1 korrik, kur përsëriten zgjedhjet parlamentare në disa vendvotime, të votojnë masivisht koalicionin e partive shqiptare. Ai ka përgëzuar dhe ka ofruar mbështetje për Këshillin Kombëtar Shqiptar rreth sigurimit të teksteve në gjuhën shqipe.

Postimi i plotë i z.Cakaj

Një thirrje publike dhe një lajm i mirë për shqiptarët në Luginë 🇦🇱

Më 1 korrik në qendrat ku do të ketë përsëritje të zgjedhjeve në Bujanoc, duhet të kemi një dalje masive në zgjedhje dhe një mbështetje të fortë për listën e Luginës së Bashkuar. Kjo është thelbësore jo vetëm për mandatin e tretë, por edhe për ta ruajtur frymën shqiptare në Bujanoc. Ndaj, pasi Kosova e Shqipëria kanë qëndruar me një zë e një frymë në mbështetje të kësaj liste, ju lutem mbështeteni deri në fund këtë ndërmarrje të përbashkët në të mirë të shqiptarëve!

Për më shumë, pas vizitës së fundit në Luginë, Qeveria e Shqipërisë ka dhënë edhe mbështetjen e nevojshme për Këshillin Kombëtar Shqiptar për përmbylljen e procedurave tarifore të teksteve të nevojshme shkollore sipas përcaktimeve të legjislacionit atje.

Kjo mbështetje shtesë vjen pasi janë aprovuar 24 tituj tekstesh shkollore të reja, të cilat do të jenë në shërbim të arsimit në gjuhën shqipe në Luginën e Preshevës.

Natyrisht, marrë parasysh gjendjen e rëndë të shqiptarëve në Luginë, duhet theksuar se mbetet ende shumë, shumë, shumë për t’u bërë.

Mirëpo, kjo nuk e ndryshon aspak faktin që veçanërisht Ministrja e Arsimit, Besa Shahini, ka bërë një punë të shkëlqyer për forcimin e mësimit shqip në Luginën e Preshevës. Ne do të vazhdojmë me qasje të bashkërenduar e vëmendje të shtuar për çështjet e shqiptarëve në Luginë.

Shihemi shumë shpejt me masa konkrete institucionale, natyrisht 😊🇦🇱!

ARTIKUJT E NGJASHËM

KUVENDI I PRESHEVËS DREJT SHPËRBDARJES, PDSH DHE APN NË HESHTJE

PreshevaPRESS

KUVENDI I PRESHEVËS: SHQIPRIM ARIFI PO PROVON TA ZVOGËLOJ NUMRIN E POPULLATËS SË PRESHEVËS

PreshevaPRESS

KRYETARI I KNSH-së TAKOI MINISTRIN KOSOVAR TË ARSIMIT

PreshevaPRESS