PreshevaPRESS

PIKTURA E VJEDHUR NGA NAZISTËT KTHEHET NË SHTËPI

Një pikturë e vjedhur nga nazistët prej familjes së koleksionit të artit, Adolphe Schloss, gjatë Luftës së Dytë Botërore, i është kthyer pasardhësve të tij në Nju Jork.

Vepra e vitit 1639, me titull “Dijetari duke mprehur penën e tij”, krijim i artistit holandez Salomon Koninck, i përkiste Schlossit, një hebre që jetonte në Paris.

Ceremonia e kthimit të saj u zhvillua në Konsullatën franceze në prani të ministrit të Jashtëm të Francës, Jean-Yves Le Drian, si dhe përfaqësueve nga komuniteti hebre.

Por, e gjithë kjo kishte edhe një domethënie tjetër. Përballë antisemitizmit në rritje, si në Sshtetet e Bashkuara të Amerikës, ashtu dhe në Europë, rikthimi i kësaj pikture i vendos sërish në vëmendje hebrenjtë dhe shërben si kujtesë për të shkuarën.

“Ana pozitive e një veprimi të tille nuk është ajo e shpagimit, është ajo e shpresës. Historia flet vetë, nuk ka përse e zbukurojmë”.

Vjedhja e veprave të artit dhe objekteve të tjera me vlerë ishte pjesë e një grabitjeje të organizuar gjatë “Rajhut të Tretë” në vendet europiane, nga agjentë që vepronin për llogari të partisë naziste.

Ato nisën në vitin 1933 e vazhduan deri në fund të luftës, të kryera në mënyrë të veçantë nga njësite speciale që njiheshin si “Kuntschutz”.

Përveç arit, argjendit e parave, në vëmendjen e nazistëve përfunduan piktura të vyera, punime qeramike, libra e thesare fetare. Edhe pse shumë prej objekteve në fjalë u arrit të rikuperoheshin fill pas konfliktit, një pjesë e tyre nuk kanë dalë ende në dritë.

ARTIKUJT E NGJASHËM

Austria pezullon vaksinën AstraZeneca pas një rasti vdekjeje

PreshevaPRESS

KA FILLUAR FUSHATA SENSIBILIZUESE PËR RRITJEN E SIGURISË NË KOMUNIKACION

PreshevaPRESS

Italia bllokon eksportin e 250 mijë vaksinave drejt Australisë

PreshevaPRESS

Epopeja e UÇK-së, përkujtohet 23-vjetori i sakrificës së familjes Jashari

PreshevaPRESS

Tërmetet tronditin Greqinë, shemben shtëpi e shkolla, mijëra banorë kalojnë natën jashtë / Foto

PreshevaPRESS

29 VITE NGA REFERENDUMI I 1 DHE 2 MARSIT TË ORGANIZUAR NË LUGINË

PreshevaPRESS

Diplomacia me vaksina çon Vuçiqin në Sarajevë

PreshevaPRESS

BRENDA 5 VITEVE ZGJEDHJET LOKALE NË PRESHEVË ORGANIZOHEN PËR TË TRETËN HERË

PreshevaPRESS

FILLON APLIKIMI PËR PAKETËN E TRETË TË NDIHMËS PËR EKONOMI NË SERBI

PreshevaPRESS

SERBIA PRANË MBYLLJES TOTALE, KON: ORA POLICORE E VETMJA ALTERNATIVË

PreshevaPRESS